Өткен аптада Аққала орта мектебі ұжымын орасан зор қуанышқа бөлеген оқиға болды.
4 сынып оқушысы Ораз Фарида 27- 29 қаңтар аралығында Щучье қаласында, "Балдәурен" РОСО базасында "Зерде" зерттеу жобалары мен шығармашылық жұмыстардың XV Республикалық байқауына қатынасып, І орын иеленді.
1 - 7 сынып оқушылары қатынасқан байқауды ұйымдастырушы "Дарын" Республикалық ғылыми-практикалық орталығы болып табылады. Конкурстың негізгі мақсаты балалардың зерттеу қызметінің дағдыларын дамыту, кіші және орта жастағы мектеп оқушыларының интеллектуалдық-шығармашылық әлеуетін ынталандыру болып табылады.
«Озат оқушымның республикадан І орын иеленуі – үлкен жетістік. Фарида «Медицина және психология» секциясы бойынша «Жазу және мінез-құлық» тақырыбындағы жобамен қатынасты. Болашақта да үлкен жетістіктерге жететініне сенімдімін»,-дейді жүлдегер оқушының жетекшісі, Аққала орта мектебінің бастауыш сынып мұғалімі Кабдирова Бақтыгүл.
Қазіргі жаһандану заманында белсенді, құзіретті, бәсекеге қабілетті жас ұрпақты тәрбиелеу – алға қойған басты мақсаттарымыздың бірі болып табылады. Бұл мақсатты жүзеге асыру әсіресе оқу, білім саласында қызмет атқаратын жандар –ұстаздар үшін ең маңызды мәселе.
Гүлнафис ЕСҚАЛИЕВА,
Аққала орта мектебі
