Сыбайлас жемқорлыққа қарсы агенттік өкілдері “Парасат жолы” жобасы аясында өңірге келді

Бүгін, 15 наурызда сыбайлас жемқорлыққа қарсы іс-қимыл агенттігі Төрағасының кеңесшісі Жазира Жылқышиева және "Парасат жолы" республикалық орталығының жетекшісі, жазушы, қоғам қайраткері Сәдібек Түгел Атырау облысына жұмыс сапарымен келді.

Жұмыс сапарының алғашқы нысаны Атырау қаласының сервистік әкімдігі болды. Бұл жоба Мемлекет басшысының "Халық үніне құлақ асатын мемлекет" бағдарламасын іске асыру жөніндегі тапсырмасы шеңберінде жүзеге асырылады, онда транспаренттілік, есептілік және қоғамдық диалог құру бірінші орынға шығады. Сервистік әкімдіктің жұмысы "ореп space" форматында және фронт-офисте жүзеге асырылады, осылайша мемлекеттік органның азаматтар үшін ашықтығын, айқындығын және қолжетімділігін қамтамасыз етеді. Жобаның тұжырымдамасы "бір терезе" қағидаты бойынша облыстың атқарушы билік органдарына халықтың ыңғайлы жүгінуін ұйымдастыруға бағытталған, азаматтарға ашық және кедергісіз қызмет көрсету арқылы қажетті мәселелер бойынша құқықтық көмек пен консультациялар алуға мүмкіндік береді, қажетті ақпаратты ұсынудың сапасы мен қолжетімділігін арттыруға ықпал етеді. Бұл ретте сервистік әкімдікте келушілер үшін барлық қажетті жағдайлар жасалған, оның ішінде мүмкіндігі шектеулі адамдар үшін де қолайлы жағдайлар жасалған.

c1779a7c-4d86-4df5-8864-80af34e376a0

Сонымен қатар, Жазира Жылқышиева мен Сәдібек Түгел Х.Досмұхамедов атындағы Атырау университетінде болып, «Саналы ұрпақ» клубының жетекшілерімен кездесті. Қоғам қайраткері, жазушы Сәдібек Түгел ұлттық тәрбие, көшбасшылық туралы айтып, университет жұмысына оң баға берді. - Мен адалдықты, әділдікті жақсы көремін. Менің басты құндылықтарымның бірі — әділеттілік. Сондықтан біздің қоғамда өмір сүретін әрбір адам өзіне, өмірге, балаларға, қоғамға, Отанға деген әділ болуы керек. Ол кезде сыбайлас жемқорлық, ұрлық және басқа да қиыншылықтар болмас еді, - деп түйіндеді ол.

55bb2525-a879-4d4a-a7f2-762c2f0c2b6f

Одан әрі, "Парасат жолы"облыстық орталығының мүшелерімен кездесу өтті. "Парасат жолы" жобасын іске асыру жөніндегі Антикор бастамасының қоғамда, оның ішінде кітапханалар арқылы парасаттылық, адалдық қағидаттарын ілгерілету жөніндегі маңыздылығын атап өту қажет. Жоба шығармашылық интеллигенцияны біріктірді: жазушылар, ақындар, еліміздің түкпір-түкпіріндегі білім және ғылым қайраткерлері. Өңірдің 144 мемлекеттік кітапханасында Облыстық сыбайлас жемқорлыққа қарсы қызмет пен мәдениет басқармасы арасындағы өзара іс-қимыл аясында "Парасат жолы"орталықтары жұмыс істейді. Осы алаңдарда қоғамдық, шығармашылық және ғылыми интеллигенция мен дін өкілдерінің қатысуымен ақпараттық-ағарту жұмыстары тұрақты жүргізіледі.

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика