Сақшының жағасынан алыпты

Тәртіп сақшыларының талабына бағынбай, «жағасына жармасқан» қылықтары үшін С.Т.С. есімді азамат енді елу мың теңгеден аса айыппұл төлейтін болды.

Айыппұл арқалатқан түннің оқиғасы үстіміздегі айдың 3-і күні «Арал» кафесі маңында таңғы 3.00-дер шамасында орын алған. Осы істі қараған аудандық сот отырысында айыпталушы өз кінәсін жартылай мойындады. Ал, тәртіп сақшылары өз түсінігінде жолдың бойында «теңселген» екі адамға дыбыс зорайтқышпен жолдан былай тұруын өтінгенде тыңдамағандарын, содан қастарына барып ескерткенде олардың ар-намысына тиетін сөздер айтып, балағаттағанын, тиісінше қызметтік міндеттерін атқаруға кедергілер жасалғанын баяндады.

Жолдағы екеуді қызметтік көлікке отырғызбақ болған сәтте С.Т.С.тәртіп сақшыларынан танысын алып қалмақ болып, қарсылық танытқан. Сөйтіп, С.Т.С. ӘҚБтК-нің 667-бабының 1-бөлігінде көзделген әкімшілік құқық бұзушылық жасаған.

Айыпталушы өз сөзінде сол сәтте кафеден бір топ жігіт шығып, танысын автокөліктен алып шыққанын, алайда тәртіп сақшыларына тиіспегенін жеткізді. Ескертпе оқ атуға дейін ұласқан жайсыз оқиға кезінде тәртіп сақшысының қызметтік формасының кей тұсы сөгіліп, тіпті, сержант белгісі түсіп қалған.

Сот жаза мәселесін талқылағанда, құқық бұзушының жеке басын, іс әрекетінің сипатын, жұмыста жүргенін ескеріп, осы баптың санкциясында көзделген әрқилы жазаның ішінен құқық бұзушыға жиырма айлық есептік көрсеткіш мөлшерінде айыппұл салған жөн деп тапты. Енді ол 50500 теңгенің бір ай ішінде төлеп болуы тиіс.

Г.ЕГІЗБАЕВА,

аудандық сот приставы.

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

Бейнебаян

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика