«Қазақстан Республикасындағы сайлау туралы» Қазақстан Республикасының Конституциялық заңының 25-бабына сәйкес, азаматтар жергілікті атқарушы органдарға (ЖАО) берген өтініші негізінде сайлаушылар тізіміне тұрақты тіркелген жері бойынша тізімнен шығарыла отырып, уақытша келген жеріне енгізіледі.
Жоғарыда аталған заңның 24-бабына сәйкес, егер сайлаушыға сайлауға дейін 30 күннен кешіктірмей тіркелген жері бойынша дауыс беруге арналған үй-жайға сайлау күні келуге мүмкіндігі болмайтыны белгілі болған жағдайда, ол ЖАО-ға болған жері бойынша оны тиісті сайлаушылар тізіміне енгізу туралы жазбаша өтініш беруге құқылы.
Азамат осы тармаққа сәйкес жүгінген кезде, ЖАО азаматты тіркелген жері бойынша сайлаушылар тізіміне енгізуді ұйымдастырады. Бұдан басқа, сайлаушы дауыс беру күні тұрғылықты жерінде болмайтынын білген жағдайда, өзінің өтініші негізінде тіркеуде тұрған сайлау учаскесінен 2022 жылдың 4 қарашадан бастап 2022 жылдың 19 қарашадағы сағат 18-00 ге дейін есептен шығару куәлігін ала алады.
Зауреш Қалмұханова
