Бүгін жер бетіндегі барлық мұсылман қауымы үшін ең қасиетті саналатын екі ұлық мерекенің бірі- Ораза айт мейрамын индерліктер де үлкен әсермен қарсы алды.
Сағат 7:00-де аудандық «Әйіпқажы» мешітінде Ораза айт намазы оқылып, тұрғындар көп жиналды. Мешіт шарбағындағы киіз үйде айт мерекесіне орай дастархан жайылып, балаларға арналған батут құрылып, тәттілер ұсынылды. Мереке одан әрі мектеп оқушылары арасында кір тасын көтеру, қол күресі сынды ұлттық спорт түрлерінен жарысқа ұласты. Ал ересектер арасында өткен қазақша күрестен палуандар біразға дейін бір-бірімен беріспеді.
Нәтижесінде 70 кг дейінгі салмақ дәрежесі бойынша К.Сақыпов І орынды, Б.Жұмабайұлы ІІ, Е.Каримов ІІІорынды қанағат тұтты. Ал келесі 70 кг жоғары салмақ дәрежесі бойынша Н.Жолдасов І орынды, А.Тулегенов және А.Оразбай кейінгі жүлделі орындарды иеленді. Жарыс соңында мешіттің бас имамы Ералы Қамзағалиев жүлдегерлерді диплом мен ақшалай сыйлықтармен марапаттады.
Тоғжан Сайын,
Х.Досмұхамедов атындағы АтМУ студенті.
