Облыстық тарихи-өлкетану музейінің экспонаттары көпшілік үшін қолжетімді бола түсті - музей қорындағы мыңдаған құндылық цифрлық форматқа көшіріліп, енді оларды 3D режимінде онлайн тамашалауға болады, деп хабарлайды AtyrauPress РСК-ға сілтеме жасап.
Облыстық тарихи-өлкетану музейінің 5 мыңнан астам экспонаты цифрлық форматқа ауыстырылды.
Енді кез келген адам E-museum порталы мен SAQTAU ақпараттық жүйесі арқылы музей жәдігерлерін 3D үлгіде және 360 градус форматта виртуалды түрде көре алады.
Әрбір экспонатқа қатысты толық тарихи әрі ғылыми сипаттама ұсынылған.
Жоба музей қорын сақтау, экспонаттарды ғылыми айналымға енгізу және мәдени мұраға қолжетімділікті кеңейту мақсатында жүзеге асырылуда.
