Бұл туралы аудан әкімі Дарын Шамұратов кент тұрғындарымен кездесу барысында айтты, деп хабарлайды DENDER.KZ

Соңғы жылдары шешімін тауып, қарқынды жүргізіліп жатырған жұмыстарың бірі – кенттегі көп қатарлы тұрғын үйлерді күрделі жөндеу. Ұзақ жылдар бойы сыртқы келбетінің тозығы жетіп, шатырынан су ағатын тұрғын үйлер жөндеуден өткеннен кейін – қазіргі кезде Индербор кентінің сәнін келтіріп тұр.

 - 2021 жылы кенттегі 11 үй, өткен жылы 6 үй күрделі жөндеуден өтсе, биыл тағы 7 үйге жөндеу жұмыстары жүргізіледі. Оның қазіргі уақытта біреуі - Тайсойған көшесіндегі екі қабатты №10 үйдің  (6 млн 357 мың теңге) жәй жөндеу жұмыстары аяқталды.  

Қалған Қонаев көшесіндегі №7,9,10,11 және Қаражанов №20 тұрғын үйлерді жәй жөндеуден өткізу бойынша мердігер мекемемен келісім шартқа қол қойылды. Жақын арада бұл жұмыстар басталады.  Мердігер мекемелер – «СК Бірлік» ЖШС, «Строй Стандарт» ЖШС. Жоба құны 71 млн 314 мың теңге. Мерзімі 1 ай, - деді аудан әкімі.