Аудан бойынша барлығы 7 ауылдық округте ұзындығы 17 850 м қорғаныс бөгеттері бар. Негізінен қауіпті аймаққа Жарсуат және Құрылыс елдімекендері кіреді, бөгеттердің 10 500 метрі осы аумақта орналасқан. Сондықтан осы аумақтарда бөгеттерді биіктету жұмыстары қарқынды жүруде. Бөгеттің биіктігі қауіпті аймақтарында 4-4,5 метрге дейін жетеді, және жалпақ болып соғылады.
Қалған ауылдық округтерде де су тасқынына дайындық жұмыстары күшейтілген режимде жүріп жатыр. Барлық учаскелер арнайы техникалар мен кажетті құрал-жабдықтармен қамтылған қамтылған.
Қазіргі таңда, аудан бойынша аталған жұмыстарға 49 арнайы техника жұмылдырылса, алдағы уақытта қосымша 19 техника тартылмақ.
Сонымен қатар, қапшыққа құм толтыру жұмыстарына аудандық ТЖД-нің жеке құрамы, ауылдық округтердегі мекеме қызметкерлері мен еріктілер жұмылдыруда.
Бүгінгі күні жалпы адам күшімен 30 мыңға жуық құм толы қап дайындалды.
Жайық өзенінің 5 сәуір күнгі сағат 7:30дағы жағдайымен 2,55 м. Әзірге ауданда ахуал тұрақты.
Суға кеткен аумақтар жоқ.
Жұмыстар тәулік бойы жүріп жатыр. Қосымша ақпарат хабарланады.
Индер ауданы әкімдігінің баспасөз қызметі
