Бүгін ауылшаруашылығының кезекті жәрмеңкесі әдеттегідей аудандық мәдениет үйінің алдында өтті. Шаруа қожалық иелері жаздайғы еңбектерінің жемісін тұтынушыларға көлікпен тікелей әкеліп ұсынып жатты.

Әсіресе, пияз бен картоппен бірге қауын-қарбызды да саудалаушылардың қатары көп болды. Аудандық ауылшаруашылығы бөлімінің бас маманы Абай Абдировтың айтуынша, Венера Мақанованың "ИндерАгро" шаруа қожалығы пиязды 90 теңге, сәбіз, асқабақ, қырыққабатты 150 теңгеден ұсынуда.

Сағат Садықовтың "Тоқбай" шаруа қожалығы қызанақ, қауын, қарбыз, Қ. Ақбасовтың шаруашылығы да көкөніс өнімдерін саудалады. "Қаратоқай" ШҚ (Лаура Шүменова) қаймақ, құрт, сүзбе және аққалалық кәсіпкер Алтай балын, оралдық кәсіпкер жүк көлігімен қапшықтап картоп саудалап жатты.

-Бүгінгі ауылшаруашылығы өнімдерінің қай-қайсысы да күнделікті базар бағасынан төмен. Куә болғаныңдай жәрмеңкеге келген индерлік тұрғындардың қарасы көп. Сағат 9-да бастаған жәрмеңкемізді, қазір түске таман ғана аяқтаудамыз, -деді салалық бөлімнің бас маманы А. Абдировты сөзге тартқанымызда.

С. Сансызбайұлы.