Аудандық билер кеңесінің мүшелері бас қосып, алты айда атқарылған жұмыстарды сараптап, алдағы атқарылар жұмыстарға тоқталып өтті. Алдымен кеңес төрағасы Қымбат Кәрім облыста өткен жиынның хаттамасымен таныстырып, билер жұмысы тек екі тарапты татуластыруды ғана емес, мәселелерді сотқа жеткізбей шешу үшін қазақ дәстүріндегі дауды шешудің үлгісін қолдану маңызды екендігін жеткізді.
Сонымен қатар, әр кеңес мүшесі өздеріне арнайы уақыт белгілеп, тұрғындары қабылдау жүргізу қажеттігін де айтып өтті.
Одан соң, 23 маусым – мемлекеттік қызметшілер күніне орай кеңес мүшелері,мемлекеттік қызметтің ардагерлері Меруерт Нұғманова мен Гүлфара Егізбаеваға арнайы алғыс хат пен естелік сыйлық табыс етті. Сондай-ақ, 24 маусым – Қазақстан судьялары мен сот қызметкерлерінің кәсіби мерекесіне орай сот саласының ардагері Зоя Рахматуллинаны да арнайы барып құттықтап, билер кеңесінің атынан құттықтау хат пен естелік сый сыйлады.
Ж.НАРИМАНОВА
