Жақында аудан әкімі Мейірім Қалауи жергілікті кәсіпкерлермен кездескен болатын.

Онда шаруагер Түгелбай Камалов шаруа қожалығында электр жарығынан қиындық көріп отырғанын көтергенмен қырлықтағы бір шаруашылық үшін тоқ жүргізуге мүмкіндік жоқтығын, тек жел, күн арқылы энергия өндіретін қондырғылармен көмектесуге болатыны қаперге берілді. Ал жеке кәсіпкер Лаура Какимова кентте құр жердің өзіне өте қымбат сұрайтынын, ал кәсіпкерлікті дамыту үшін жер қажеттілігіне баса назар аударды. Елтайлық Бақтыбай Парасат та кейбір шаруа қожалықтар ауыл шаруашылығы жерлерін кезінде алып алғанымен игермей отырғандарын көтерді.

Әкім кент орталығында кәсіпкерлік нысандарға жер болмағанымен жаңа мөлтек аудандардан мүмкіндік барын және ауыл шаруашылығы саласында игерілмей отырған жерлер кейін қайтарылып жатқанын, ал кәсіп жасаймын деген адамға жер беруге мүмкіндік барын атап өтті.

"Дендер"-Ақпарат