Индер ауданында екі ай көлемінде осымен бесінші жол-көлік оқиғасы орын алды.

Мәселен, бүгін, түстен кейін Индербор кентінің Ш.Уәлиханов көшесінде екі көлік бір-бірімен соқтығысып, оның салдарынан көлік иелері материалдық шығынға тап болды.
Айталық, Қонаев көшесінен келе жатқан "ВАЗ – 2115" мемлекеттік нөмірі 048 автокөлігін тізгіндеген азамат А.Р басты бағыттан өтіп бара жатқан "Тойота камри" мемлекеттік нөмірі 617 автокөлігін тізгіндеген Ж.С. азаматқа жол бермей, автокөлігіне соқтығысқан. Содан "Тойота камри" автокөлігі жолдың жиегіндегі бағананы сындырып жіберген.

Абырой болғанда жүргізушілер дін аман. Алайда, ӘҚБтК-нің 610-ы бабының 1-і бөлімінде көрсетілгендей құқық бұзушылық жасаған азаматқа А.Р.-ге қатысты әкімшілік хаттама толтырылып, ісі аудандық сотқа жолданыпты.

Гүлалия Игілікова

Сурет: Әлеуметтік желіден алынды