Ұзақ жыл аудандағы баспахана басшылық етіп, "Дендер" газетінің шығуына үлес қосқан Маргарита Бозаева апамыз қазір Астанада ұлы Қамбардың шаңырағында немерелерінің ортасында жүріп жатыр. Қыс қыстап, көктем шыға Дендеріне оралады. Редакция апайға Қамбар арқылы газеттің ПДФ нұсқасын жіберіп отырады.
-Ауылды аңсап отырамын. Соның ішінде бейсенбі сайын есік қағып, '"Дендер" газетін әкеліп тұратын пошташы қызды да жоқтап қоямын. Өйткені, аудандық газет біздің жансерігімізге айналғалы қашан. Қазір ауылдан газеттің толық электронды нұсқасы келіп тұрады. Балаларым ашып берген соң оқып шығамын. Қараған сайын ауылымды сағынып кетемін. Бас редакторға рақмет алыстағылардың да қамын ойлап отыратын,- дейді Маргарита апамыз.
