Салауатты өмір салтын қалыптастыруда дене тәрбиесінің маңызы зор. Осындай мақсатта «Қызғалдақ» бөбекжай-бақшасында «Күншуақ» ортаңғы кезекші топ балалары арасында «Біз күштіміз, ептіміз» тақырыбында жарыс өтті.

Жарысқа қатысқандар «Қыран» және «Сұңқар» топтарына бөлініп, өзара бақ сынасты. Олар жарыстың шарттарын керемет орындап шықты. Соңғы сайыс арқан тартуда «Сұңқар» тобы басым болып, бірінші орынды иеленді.

Балалардың бір-бірімен жарысып, озып шығамын деп алға талпынғандары, шапшаңдықтары, ептіліктері, бір-біріне қолдау көрсеткендері тәрбиенің жемісі деп білеміз.

Спорт-қозғалыс, ал қозғалыс – тіршілік көзі екенін осындайда анық байқайсыз.

А.АМАНГАЛИЕВА

«Күншуақ» ортаңғы кезекші топ тәрбиешісі

Елтай ауылы