Индер ауданының Есбол округіне қарасты Ынтымақ ауылының кірме және ауылішілік көшелерін жарықтандыру жұмыстары жүргізілуде.

Мердігер мекеме – «Қалдығайта» ЖШС-і. Қазіргі таңда 3 км болатын кірме жолына және Сейітов, Бөзекенов, Төремұратов көшелеріне 116 бағана, 1 дана ктп-63 орнатылды. Енді ұзындығы – 4990 м 214 заманауи LED шамдары қондырылады.

Ауылдық округ әкімі А.Рамазановтың айтуынша, ауыл көшелерін жарықтандыру және жаяу жүргіншілердің қауіпсіздігін қамтамасыз ету мақсатында көше жарығының диодты шамдары орнатылып жатыр. Жоспарға сәйкес жарықтандыру жұмыстары тамыз айында аяқталады.

Айта кетейік, ағымдағы жылы Жарсуат, Елтай, Есбол ауылдық округтеріне де жарықтандыру жұмыстарын жүргізу жоспарланып отыр. Сонымен қатар, Индербор кентінің, Бөдене және Өрлік ауылының жарықтандыру жұмыстарының жобалары жасақталып, мемлекеттік сараптамаға енгізілуде. Сараптамадан шыққаннан кейін, қаржының бөлінуіне орай құрылыс жұмыстары басталатын болады.

Индер ауданы әкімдігі