Ауданымызда тағы бір кәсіпкерлік нысан өз есігін тұтынушыларға айқара ашты.

Индербор кентінің орталығынан «AK NIET» ЖШС Батыс Қазақстан аумағының филиалы ретінде №288 дәріхана өз жұмысын бастады.

Дәріхананың ашылуында аудандық кәсіпкерлік, өндіріс және туризм бөлімінің басшысы Дулатбай Сариев аудан басшылығының атынан құттықтап, ел игілігіне қызмет етуге тілектестігін білдірді.

Аталмыш дәріхана меңгерушісі Перизат Адилованың айтуынша тұрғындар бұл жерден өздеріне қажетті түрлі дәрі-дәрмекті таба алады. Әрі бағасы да қол жетімді.

Жергілікті жерден 5 жұмыссыз өз мамандықтары бойынша жұмыспен қамтылып отыр.

Индер аудандық Кәсіпкерлік Бөлімі