Орталық алауға жиналған тұрғындарды аудан әкімі Дарын ШамұратовНаурыз мейрамымен құттықтап, ізгі тілегін білдірді.
- Баршаңызды көктемнің шуағын ала келген Ұлыстың ұлы күні – Наурыз мерекесімен шын жүректен құттықтаймын!
Әз Наурыз – сан жылдар бойы сабақтастығын үзбеген амал мерекесін бастау алатын қастерлі мереке. Күллі тіршілік атаулы түрленіп, күн менен түн тенесіп, жаңарту мен жасампаздықты айшықтайтын, ырыс пен берекенің арқауы болған өнегелі өркениетіміздің өлшемі. Сондықтан да ежелден жаңару мен жасампаздықтың арқауы болған жаңа жыл басын халқымыз қашанда ақ жарма тілекпен, кемел пейілмен ерекше қарсы алады. ҚҰРМЕТТІ ЖЕРЛЕСТЕР!
Еліміздің мерейін өсіріп, бар болмысымызды айшықтайтын Наурыз мерекесі әрбір отбасына бірлік пен қуаныш, құт-береке, бақыт пен молшылық әкелсін! Ұлыс оң болсын, ақ мол болсын, ағайын! - деді.
