Атырауда жыл басынан бері әлеуметтік қызметтер порталы арқылы 10 мыңға жуық мүгедектің өтініші қабылданған

Бүгінде мүгедектігі бар адамдар «Әлеуметтік қызметтер порталы» арқылы қажетті техникалық құралдардың 55 түріне тапсырыс беріп, курорттық-шипажайларға онлайн жоладама алуына болады.

Бұл туралы «Әлеуметтік қызметтер порталы» тақырыбында өткен онлайн-брифингте, Атырау облысы Жұмыспен қамтуды үйлестіру және әлеуметтік бағдарламалар басқармасының басшысы Азамат Мәмбетов айтты - деп, хабарлайды Атырау облысының өңірлік коммуникациялар қызметі Сонымен қатар, аталған интернет-портал арқылы мүгедектер жеке көмекшінің және ымдау тілі маманының қызметтерімен қамтамасыз етіледі.

Мүмкіндігі шектеулі жандар үшін, қолайлы қызметтің тағы бір түрі - «www.inva.gov.kz» порталы. Мұнда, олар әлеуметтік және инфрақұрылым нысандары туралы ақпарат алады. Яғни, сайтқа өтіп, өзіне қажетті нысанды іздеп, оның ішінде өз санатына қарай қаншалықты қолайлы жағдай жасалғандығын біле алады. Сондай-ақ, облыстағы әр обьект туралы пікір жазып қалдыруына болады. Бұдан бөлек, онлайн түрде мемлекеттік қызметтерді алып, қолдау және оңалту шаралары туралы мағлұмат алып отыруға мүмкіндік бар. - Осы брифингті пайдалана отырып, мүмкіндігі шектеулі жандарды аталған портал қызметтерін пайдалануға шақырамын. Қала, аудандық бөлімдерде көмектесу бұрыштамасы бар, өздеріңіздің ЭЦК кілті арқылы тапсырыс берулеріңізге болады.

Онлайн жүйе – қолайлы қызмет! Сондықтанда үйден шықпай-ақ, қажетті қағаздарыңызды ала аласыздар – деді, басқарма басшысы А.Мәмбетов Айта кетейік, жалпы облыстағы барлық санаттағы мүгедектердің саны – 23 524 адам. Бүгінде, оларға әр түрлі әлеуметтік қызметтер көрсетіліп отыр. Соның бірі, «Инватакси». 2021 жылғы 8 айда 25 инватакси қозғалуда қиындығы бар мүгедектерге тасымал жасады.

РЕСПУБЛИКА КҮНІ

25qazan-respublika

Соңғы жаңалықтар

Фотогалерея

Сұрақ Жауап

Вакцинаға көзқарасыңыз қалай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика