«Атырау-Махамбет-Сарытоғай» автобусы шықты

Биыл 18 шілдеден бастап «Атырау-Махамбет-Сарытоғай» бағытында қатынайтын жаңа да жайлы 33 орындық «YUTONG» маркалы автобусы жолаушыларды тасымалдайтын болды.
 
Осындай жағымды жаңалығымен бөліскен Махамбет ауылдық округінің әкімі Нұрлан Сапаровтың айтуынша, қала мен ауылдың арасына қатынайтын қоғамдық көлік 24 орындық «HYUNDAI» автобусы бұған дейін де болған. Алайда, жайлы көлікпен жүргісі келетін жолаушылар саны көбейгендіктен, бұрынғысынан гөрі орындығы көп және жайлырақ автобусқа деген қажеттілік туындапты. Тұрғындардың тілегіне құлақ асқан аудан әкімдігі және облыстық жолаушылар көлігі және автомобиль жолдары басқармасының қолдауымен қала мен ауылдың арасына қатынайтын заманауи үлгідегі көлікпен жолға шығуына жағдай жасап отыр. Жыл мезгіліне қарай салқындату және жылыту жүйесімен жабдықталған, жолаушылардың жолда өздерін жайлы сезінуіне ыңғайлы орындықтармен жарақтандырылған.
 
– «Қосыбаева» жеке кәсіпкерлігіне сенімді басқаруға берілген жаңа автобустар қала мен ауылдың ортасына күніне төрт мезгіл қатынайды. Нақтылай кетсек, таңертеңгі сағат 07.30-да Махамбет ауылынан шыққан автобус күндізгі 11.00 сағатта қаладан кері қайтады. Түсқайта сағат 14.00-де ауылдан қозғалып, кешкі 17.30-да кері жүреді. Жолақысы бір адамға – 500 теңге. Қазіргідей қымбатшылық жағдайында қолжетімді баға екені белгілі, – дейді ауыл әкімі.
 
Дәулетқали ЛАТИФҰЛЫ

 

ФОТОГАЛЕРЕЯ

Соңғы жаңалықтар

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс) +77082922701 whatsapp

Электронды пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз