🔹 Форумға еліміздің барлық өңірінен ауылдық округ әкімдері қатысып, ауылды дамыту, жергілікті өзін-өзі басқаруды күшейту, халықтың тұрмыс сапасын арттыру бағытында тәжірибе алмасты. Президенттің тікелей қатысып, нақты тапсырмалар беруі — біз үшін үлкен жауапкершілік әрі зор сенім.
🔹 Мемлекет басшысы ауыл – елдің тірегі екенін атап өтіп, әкімдердің рөлін күшейту, халықпен ашық байланыс орнату, мәселелерге жедел әрекет ету қажеттігін айтты. Ауыл тұрғындарының мұң-мұқтажын жақсы білетін ең жақын басқару буыны – ауыл әкімі екенін ерекше атап өтті.
🔹 Жиында инфрақұрылым, жол, ауызсу, интернет, медицина мен білім сапасы, ауыл шаруашылығын қолдау, кәсіпкерлік пен жастарды ауылда дамыту мәселелері кеңінен сөз болды. Бюджетті тиімді жоспарлау, ашықтық пен жауапкершілікті арттыру да негізгі тақырыптардың бірі болды.
🔹 Бұл форум – ауыл әкімдері үшін ұсыныс айтуға, тың тәжірибелермен танысуға, жаңа идеялар алуға мүмкіндік беретін тиімді алаң. Әр өңірдің жетістігі мен бастамалары кәсіби деңгейімізді көтеруге серпін берді.
🔹 Ең маңыздысы – мемлекеттің ауылды дамытуға деген нақты саяси ерік-жігерін сезіну. Ал біздің міндет – берілген тапсырмаларды сапалы орындап, халық сенімін ақтау. Ауыл тұрғындарының өмір сапасын жақсарту – басты мақсатымыз.
🔹 «Ауыл әкімдерінің диалог-платформасы» — ауыл басқаруындағы жаңа кезеңнің бастауы. Мұндай басқосулар ауылдың үнін жоғары деңгейде естіртіп, нақты өзгерістерге жол ашады.
#ауыләкімдері
#amanat
#форум
Қайрат Табылдиев
Көктоғай ауылдық округ әкімі
