Атырау қаласында «Ардагерлер ұйымы» республикалық қоғамдық бірлестігінің кезектен тыс ІХ съезі өтті. Отырысқа ауданнан делегат ретінде ардагерлер кеңесінің төрағасы Өтеп Нұриев қатысқан болатын.

Съезде көтерілген мәселелерді түсіндіру мақсатында ардагерлер кеңесінде аудандық ардагерлер кеңесінің төрағасы дөңгелек үстел ұйымдастырды.

Жиын барысында съезде 3 мәселе қаралғандығы айтылды. Атап айтсақ, алда өтетін референдум, ардагерлер ұйымының жарғысы мен ережесі бекігендігі және де 3 облыстын құрылуы. Сонымен қатар, аудандық ардагерлер кеңесі жанынан жалпыұлттық референдум өткізуді қолдау жөніндегі штаб құрылғандығы, аудан бойынша жұмыстар атқарылып жатқандығы сөз болды.

Жиынға қатысушы аудандық мәслихат аппаратының аппарат жетекшісі Г.Қабиева мен әр сала ардагерлері Ш.Ержанова, Т.Каналин, Ә.Мұсағали, А.Аманғалиева аталған үш мәселеге қатысты пікірлерін білдірді.

Т.Салауатқызы