Бүгін Индер аудандық мәдениет үйінде аудандық "Ақ Жайық" халық театрының "Әлсіз әлем" атты сахналық қойылымы көрермен назарына ұсынылды.

Оразғалиева Шайда Кәрімқызының режиссерлігімен болған қойылым көптің көңілінен шықты.

Қойылымда қазіргі қоғамдағы қауіпті індеттің ахуалын, денсаулықтың адам өміріне қажеттігін және маңыздылығын, дәрігерлердің батырлығын, батыл қадамдарын ерекше нұсқап көрсетті.

Қойылым соңы залға жиналған жұрттың көзіне жас ұялатқандай әсер қалдырды.

Ерекше зор құрметпен қолпаштаған көзі қарақты көрермендерге аудандық мәдениет бөлімінің басшысы Жеміс Базарғалиқызы алғысын білдірді.

Кеш соңында дәрігерліктің қандай маңызды рөл атқаратынын және өңірден осы қауіпті індетпен күресіп, өмірден өткен ақ халатты абзал жандарды бейнеролик арқылы еске алды.

А. Ғарифолла