Ұлыстың ұлы күніне Аққала ауылында "Береке бастауы Әз Наурыз" атты мерекелік шара өтті.
Аластау, Наурызға дәм, Тұсау кесу, Көктем қыз, Жер ана, Қыдыр ата көріністері көрсетіліп, "Асыл әже" әжелер ансамблі ән шырқап, ауыл өнерпаздары көрермен назарына концерттік бағдарлама ұсынды.
Ауыл ақсақалы Құрмет атадан бата алынып, наурыз көже пісіріліп, халыққа ұсынылды.
Тұрғындар арасында арқан тартыс, гір тасын көтеру, астық көтеру, ләңгі тебу, күш сынасу спорттық ойындары ұйымдастырылып, ауыл азаматтары спорттық ойын жеңімпаздары мен ұлттық киім киіп келгендерге, ұлттық киіммен тай мініп келгендерге демеуші болып, марапат ұсынды.
