Қаңтар оқиғасы Тәуелсіздігіміз үшін өте қауіпті болғаны белгілі. Халық абдырап, кімге сенерін білмей қалды. Бейбіт заманда қаншама қарапайым адамдар оққа ұшты, ана баласынан, әйел жарынан айырылды. Айта берсе қасіреті көп, әрине. Президентіміздің батыл шешімі нәтижесінде жағдай қалпына келіп, елдігімізді сақтап қалдық. Кешегі Парламент мәжілісінде еліміздің Бас прокуроры, Ішкі істер министрлігі осы оқиғадағы арандатушылар,жалпы қаңтар қасіреті жөнінде баяндама жасады. Әділ тергеу жүріп, жауаптылар жазаланады деп сенеміз. Алайда осының бәрі о баста елдегі халықтың әлеуметтік жағдайының төмендігінен, жемқорларға деген ашу-ызадан туды деп ойлаймын өз басым. Сондықтан да елдегі жүйе түбегейлі өзгеріп, әділдік салтанат құруы тиіс. Бірақ, әлі де құзырлы органдардың халықпен байланысы жолға қойылмаған тәрізді. Өйткені өзіміз жергілікті органдардың жұмысынан толық хабардар емеспіз. Осының бәрі халыққа кері әсер етпей ме? Қайткенде де еліміздің тыныштығын тілейміз.
Қымбат Кәрім,
ардагер ұстаз
