Ш.Уәлиханов орта мектепте мерекеге орай «Мерген ару – 2023» пневматикалық мылтық атудан мектепішілік сайыс өткізілді.

Сайыстың мақсаты – бұқаралық спортты дамыту, арулардың бойындағы қырағылық пен мергендікті шыңдау.

Сайысқа мектептің басшылық және кіші қызметкерлері, пән мұғалімдері қатысты. Құралайды көзге атқан аруларымыз өздерін жаңа қырынан танытты.

Жарыс қорытындысы бойынша І орынды ағылшын тілі пәні мұғалімі Нұргүл Қасенова жеңіп алса, ағылшын тілі мұғалімі Дария Қонысбаева мен информатика пәні мұғалімі Жадыра Досмамбетова ІІ орынды теңдей бөлісті. Ал, директордың тәрбие ісі жөніндегі орынбасары Диана Сайлаукенова мен ағылшын тілі мұғалімі Эльвира Қонасова, информатика пәні мұғалімі Асима Ділмұқашева ІІІ орынға ие болды.

Жеңімпаздарға арнайы диплом мен мектептің кәсіподақ ұйымының атынан естелік сыйлықтар табысталды.

Ж.Нариманова