Бүгін, 18 ақпан күні атыраулық жастар қар тазалаушы жұмысшыларға ыстық тағам мен шәй таратты.
Акцияны «Атырау-Ақпарат» медиахолдингі мен Coffee River компаниясы бірлесіп ұйымдастырды.
Атырау қаласы әкімдігінің мәліметінше, бүгін қаладағы қар тазалау жұмыстарына 90-нан аса жұмысшы мен 22 бірлік техника жұмылдырылды.
«Қазіргі таңда Азаттық, Әуезов, Сәтбаев, Абай, Құрманғазы және Владимировский көшелерінде қар тазалау жұмыстары жүргізіліп жатыр. Түстен кейін қосымша тағы 5 техника шығаруды жоспарлап отырмыз», - дейді қалалық әкімдіктің баспасөз қызметі.
Айта кетейік, қайырымдылық шарасы түстен кейін тағы жалғасын табады. Барша Атырау жастарын іс-шараны ары қарай жалғастыруға шақырамыз!
ATPress.kz
