Ағымдағы жылдың 27 сәуірі күні сағат 22:00 шамасында Атырау қаласының тұрғыны карантиндік шектеулерге қарамастан туған күнің тойлаған.

Ол 1973 жылы туған азамат карантин режимін бұзып, қаладағы Құрманғазы көшесінде орналасқан жеке үйінің ауласында от шашумен туған күнін атап өткен.

Құқық бұзушыға Атырау қалалық ПБ учаскелік полиция қызметкерлерімен ҚР ӘҚБтК-нің " Төтенше жағдай режимін бұзу" бойынша 476-бабымен және де бұдан басқа осы кодекстің "Елді мекендерде атыс қаруынан, газды пневматикалық, лақтырылатын және электрлі қарудан оқ ату, пиротехникалық бұйымдарды қолдану" бойынша 436-бабымен хаттамалар жасақталды.

Рәсімделген іс-құжаттар сотқа жолданды.

А.Төлегенқызы

Сурет дереккөзден