4 маусым - Мемлекеттік рәміздер күніне арналған бұқаралық жүгіру марафоны болып өтті.
Марафонның ашылу салтанатында Қазақстан Республикасының Мемлекеттік Гимні орындалып, Мемлекеттік Туы көтерілді.
Аудан әкімінің орынбасары А.Мурзин жұртшылықты мерекемен құттықтап, қатысушыларға сәттілік тіледі.
Аудандық ішкі саясат бөлімі мен аудандық мәдениет, тілдерді дамыту, денешынықтыру және спорт бөлімінің ұйымдастырумен Мемлекеттік нышандарымызға құрмет көрсету және оларды насихаттауға бағытталған шара, Меңдіғалиев көшесінен бастау алып, Қонаев бойымен Нысанбаев көшелеріне жалғасып, марафонға қатысушылар 2,8 шақырым жүгіріп өтті.
Арнайы өткізілген жүгіру марафонының оқ бойы оза шыққан алғаш келген 10 ер және 10 әйел азаматтарына шара соңында салтанатты түрде Алғыс хаттар табысталды.
