Алдағы қарашада өткізілетін ел Президентінің сайлауын өткізу үшін елімізде дайындық жұмыстары қарқынды басталуда.
Айталық, «Көктем» мөлтек ауданы тұрғындары үшін құрылған №114 сайлау учаскесінде дайындық жұмыстары басталып кетті. Учаске төрағасы Гүлзада Құсайынованың айтуынша. Учаскелік комиссия құрамында 7 мүше бар. Жергілікті әкімшілікпен бірлесіп сайлаушылардың тізімін нақтылау жұмыстары жүргізіліп жатқан көрінеді.
-Учаскеде арнайы 3-01-57 байланыс телефоны, интернет желісі іске қосылып, қажетті кеңсе тауарларына сұраныстар берілді. Алдағы күндері дауыс беру орыны жасақталатын болады,-дейді сайлау учаскесінің төрағасы Гүлзада Құсайынова.
С.ЕРСАЙЫН
