Атырау қаласында ағымдағы жылдың 15 сәуірінде сағат 19:05 шамасында жол-көлік оқиғасы орын алды.
«Hyundai Accent» көлігінің жүргізушісі басқару жүйесін игере алмай, қаладағы орталық көпірден түсіп келе жатып, Азаттық-Абай көшелері бойындағы бардюр мен су бұрқағына соқтығысқан деп хабарлайды Атырау облыстық Полиция Департаменті. Оқиға салдарынан жарақат алғандар жоқ.
1992 жылы туған көлік жүргізушісіне қатысты іс- құжаттар жинақталып, сотқа жолдануда.
Айта кетейік, бұл жөнінде Атырау облыстық Полиция Департаментінің фейсбук әлеуметтік желісінде жарияланған.
