Аудандық «Дендер» газетінің 85 жылдығына орай, Ұлы Отан соғысының ардагері, соғыс жылдарындағы газеттің редакторы, КСРО Журналистер Одағының мүшесі Сүндетқали Ерғалиевтың атындағы «Жеңіспен келген бейбіт күн» тақырыбында өткен мектеп оқушылар арасында шығарма жазудан байқау өз мәресіне жетті.
Байқауға келіп түскен отызға тарта шығарманы Қазақстанның Құрметті журналисі Сансызбай Базарбаев, Ы.Алтынсарин атындағы төсбелгінің иегері Қымбат Кәрім сынды әділ-қазылар алқасы сараптап, қорытындысын шығарды. Нәтижесінде Амандық Маратов (Қ.Есқалиев о/м 11 с/о) Бас жүлде иесі атанса, I орынды Әсем Ильяшова («Көктем» қ/о 8 с/о), II орынды Нәзік Мақсотова (Аққала о/м 11 с/о), III орынды Айшат Құбашева (Махамбет о/м) жеңіп алды. Сондай-ақ ынталандыру сыйлықтарын Аружан Қибаш (Қ.Абаханов о/м), Ақмарал Болатова (Жамбыл о/м), Ақерке Сейсенбаева (Бөдене о/м) алды. Марапаттау шарасы алдын ала хабарланатын болады.
Редакция.
