Өңірде 29 наурыздан бастап карантин күшейтіледі

Атырау облысында карантин шектеу шаралары күшейтіледі, деп хабарлайды ҚазАқпарат. Бұл туралы облыстың бас санитар дәрігері Мәдениет Танауовтың жаңа қаулысында айтылған.

«Атырау облысының аумағында эпидемиологиялық жағдай тұрақталғанға дейін шаруашылық немесе өзге де қызметтерге және халықтың тыныс-тіршілігіне айрықша талаптармен шектеу шаралары енгізілсін. Шектеу іс-шараларының режимі мен мерзімдері облыс аумағында COVID-19 коронавирус инфекциясының таралуы бойынша ахуалдың өзгеруіне сәйкес қайта қаралуы мүмкін», - делінген құжатта.

Қаулыға сәйкес, көпшілік іс-шараларды (мерекелік, ойын-сауық, көпшілік мәдени, спорт, білім беру іс-шаралары, көрме, корпоратив, форум, конференция, сондай-ақ отбасылық, естелік іс-шаралары (банкет, үйлену тойы, мерейтой, еске алу және т. б.), оның ішінде үйде және жаппай адамдар жиналатын өзге де іс-шараларды өткізуге, барлық ойын-сауық объектілерінің, банкет залдарының, жабық орынжайдағы балалар ойын аландары мен аттракциондардың (ауладағыны қоспағанда), батуттардың, түнгі клуб, караоке, компьютер және ойын клубтарының, қорқор, бильярд, боулингтердің, букмекерлік кеңселердің, мерекелерді ұйымдастыру бойынша қызмет көрсетудің, меншік нысанына қарамастан мектепке дейінгі балалар мекемелерінің (кезекші топтарды қоспағанда), мәдени нысандардың, жеке, топтық дайындықтарды қоса алғанда кинотеатрлардың, театрлардың, концерт залдарының қызметіне тыйым салынып отыр.

Жаңа қаулы 2021 жылғы 29 наурыздан сағат 00:00-ден бастап заңды күшіне енеді.

29 наурыз күні сағат 00:00-ден күшіне енетін жаңа қаулыға сәйкес, ашық және жабық базарлардың, сондай-ақ сауда үйлері мен сауда орталықтарының жұмыс кестесіне өзгеріс енгізіледі.

Азық-түлік және азық-түлік емес жабық базарлар күшейтілген санитарлық-дезинфекциялық режимді сақтай отырып, жұмыс күндері сағат 09.00-ден 19.00-ге дейін ашық болады. Сенбі және жексенбіде жұмыс істеуіне тыйым салынып отыр.

Ал азық-түлік және азық-түлік емес ашық базарлар жұмыс күндері сағат 09.00-ден 19.00-ге дейін, сенбі күні сағат 09.00-ден 17.00-ге дейін ашық болады. Жексенбіде – жабылады.

«Сауда үйлері мен сауда орталықтарына (павильондар, бутиктер), сауда желілеріне, азық-түлік емес дүкендерге сағат 10.00-ден 22.00-ге дейін (толтырылуы объект сыйымдылығының 30% асырмай, 1 келушіге 4 шаршы метрден кем емес) жұмыс істеуіне рұқсат етіледі. Нысандар ішінде орналасқан азық-түлік супермаркеттері мен дәріханаларды қоспағанда сенбі және жексенбі күні жұмыс жасауына тыйым салынады», - делінген бас санитар дәрігердің қаулысында.

inform.kz

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика