Аудандық қорғаныс істері жөніндегі бөлімде Елбасының «бес әлеуметтік бастамасы» атты Үндеуіне орай актив жиыны өтті.
Бөлімнің қызметкерлері қатысқан жиында бөлім бастығының уақытша міндетін атқарушы, майор Ержан Кабаков Елбасы бастамалары елдің әлеуметтік-экономикалық жағдайының дамуына зор көмегін тигізетіндігін атап өтіп, бес бастамаға жеке-жеке тоқталды.
«Елбасы ұсынған жаңа бағыт мемлекеттігімізді одан әрі нығайтуға және биліктің барлық тармақтарының жауапкершілігін күшейтуге арналған. Күшті президенттік билікті сақтай отырып жүргізілетін мұндай реформа еліміздегі саяси тұрақтылық пен одан әрі өсіп-өркендеудің берік кепілі болатынына нық сенемін»-деді ол.
Қорытындысында бөлім қызметкерлері Елбасы бастамалары бойынша азаматтық көзқарастарын білдіріп, өзара пікір алмасты.
А.ДИАС.
Сурет автордікі.
