Индердегі «Әйіп қажы» мешіті жамағаты аудан тазалығына үлкен үлес қосып жүрген «Жасыл Аймақ» ЖШС қызметкерлерін азық-түлікпен қамтамасыз етті.
«Осындай сын сағатта «жұмыла көтерген жүк жеңіл» деп аудан тұрғындарына қолдау білдіріп жүрген мешіт жамағаты мекеме қызметкерлерін де назардан тыс қалдырмады. Яғни бір топ жұмысшыға күнделікті қажетті азық-түліктер мен тұрмыстық заттар жиынтығын табыстады. Сол себепті мешіттің бас имамы Е.Қамзағалиев бастаған оларға басшылық атынан алғысымызды білдіреміз», - дейді «Жасыл Аймақ» ЖШС директоры Әнуарбек Кенжиев.
Eлімізде төтенше жағдайға орай карантин жарияланғанымен дендерінің саулығынан бұрын аудан тазалығын басты орынға қойып, еңбек етіп жүрген қызметкерлерге қандай жақсылық жасалса да артық болмас.
Ақмарал БОКИРОВА
