2015-2025 жылдарға арналған сыбайлас жемқорлыққа қарсы күрес стратегиясында мемлекет пен қоғамдық ұйымдардың бірігуі арқылы жемқорлыққа қарсы әдіс-тәсіл мен мәдениетті қалыптастыру көзделген. Бұл ретте жемқорлық пен парақорлықты болдырмау үшін ел азаматтарының қолдауы мен жеделдігі айрықша маңызға ие. Сол себепті, сыбайластық көрініске куә болған адам әлеуметтік індетке көз жұма қарамауы керек. Ол осы әрекет арқылы басқаларға үлгі болып, жемқорлықты жоюға үлес қосады.

Әрбір қоғам дамуының күнгей мен көлеңке жағы қатар жүретіндіктен, елдің әлеуметтік хал-ахуалын жақсартып, экономикалық жоғары даму деңгейіне жетуде, халқымыздың өсіп-өнуін көздеген шаралар жасалып жатқан кезде алға басқан қадамды кейін тартып, дамуымызға кедергі болып отырған сыбайлас жемқорлықпен күресті күшейту – әрқайсымыздың азаматтық борышымыз.

Аудан бойынша мемлекеттік қызмет көрсететін мекеме болғандықтан, аудандық аумақтық инспекция қызметкерлері де сыбайлас жемқорлықпен күрес жұмыстарын одан әрі жетілдіре береді.

Т.МАХМЕТОВ,

аудандық аумақтық инспекция басшысы