Нұр-Сұлтан қаласында өткен Қазақ күресінен VIII Әлем біріншілігі өз мәресіне жетті.
Әлемнің 28 мемлекетінен келген 200- ден астам ерлер мен әйелдер 6 салмақ дәрежесі бойынша бәсекеге түсті. Біріккен Күрес Әлемінің 2019 жылға арналған ресми күнтізбесіне енген бұл жарысқа UWW -ның толықтай өкілдері мен халықаралық дәрежедегі төрешілер төрелік етті.
Федерацияның атқарушы директоры Талғат Мәзібаевтың айтуынша 15 жылдың ішінде әлемнің 52 мемлекетінен қазақ күресі федерациясы ашылып, насихат жұмыстары қарқынды қолға алыныпты.
Сонымен екі күнге созылған байрақты бәсекеде біздің палуандар 2 алтын, 2 күміс, 3 қолаға ие болды. Жеңімпаздарды федерация президенті А.Шпекбаев және өзге құрметті қонақтар марапаттады.
Ж. АМАНТУРЛИН
Нұр-Сұлтан қаласы