Атырауда бүгін алғаш рет Tour de Saraishyq 2025» велошеруі өтті. Республикалық ауқымды спорттық және туристік шара өңірдің тарихи және мәдени байлығын әлемге танытуды мақсат еткен ерекше бастама ретінде ұйымдастырылды. Велошерудің басты ерекшелігі – оның көне Сарайшық қалашығынан басталып, Атырауға дейінгі 80 шақырымдық жолмен жалғасуы. Шара барысында қатысушылар қаланың басты көшелері мен көрнекті орындарынан өтіп, мәреге *«Infinity Mall»* сауда-ойын сауық орталығының алдына жетті. Велошеру қатысушылары арасында 14 пен 65 жас аралығындағы әуесқой спортшылар, сондай-ақ шетелдік қонақтар болды. Жарысқа жалпы 120 адам қатысты. Ұйымдастырушылардың айтуынша, бұл велошерудің негізгі мақсаты – Атыраудың табиғи және мәдени сұлулығын әлемге таныту. Сарайшық қалашығы, өзінің тарихи маңызы мен бай мәдениетінің арқасында, бұл шараның символына айналды. Велошеру қатысушылары тек спортпен айналысып қана қоймай, қазақ халқының терең тарихымен танысуға мүмкіндік алды. Ұйымдастырушылардың өкілі Мадина Кыбырбаева атап өткендей, бұл шара өңірдің туристік әлеуетін көтеруге және ішкі туризмді дамытуға бағытталған. Сонымен қатар, белсенді өмір салтын насихаттау мақсатында ұйымдастырылған велошеру – өңірдің мәдени және табиғи құндылықтарын кеңінен танытуға зор ықпал етуде.

Атырауда республикалық деңгейдегі «Tour de Saraishyq 2025» спорттық және туристік велошеру өтуде. Спорттық жарыстың мақсаты — ішкі туризмді дамытумен қатар салауатты өмір салтын дәріптеп, белсенді демалысты қолдау,- деп хабарлайды Өңірлік коммуникациялар қызметі.

Атырау облысы Дене шынықтыру, спорт және туризм басқармасы мен "Visit Atyrau" туристік ақпараттық орталығының ұйымдастыруымен 2025 жылдың 13 қыркүйек күні Атырау қаласында ауқымды спорттық және туристік шара – "Tour de Saraishyq 2025" велошеруі өтеді!

Атырау облысында «Теңізшевройл» компаниясының ерікті «Игілік» бағдарламасы аясында бес физкультура-сауықтыру кешені (ФОК) және 3 мың орындық стадион салынды.

Ұлт руханиятын нығайтып, жас ұрпақты отансүйгіштікке тәрбиелеуде ұлттық спорт түрлерінен өтетін жарыстардың рөлі зор. Жыл сайын есболдық ұлттық спорт жанашырлары мен кәсіпкерлердің ұйымдастыруымен бәйге өткізу дәстүрге айналған. Биылғы жылы да осы үрдіс жалғасын тауып, халықаралық жастар күніне орай Бәйгетөбе алаңында дүбірлі дода өтті.

Есбол ауылдық округі әкімдігінің бас маманы Ерболат Сабиров жарысқа қатысушыларды құттықтап, сәттілік тілеп, ардагер Өтеғұл Жалғасбаев шабандоздарға батасын берді.

Жиналған жұртшылық алдымен 6 шақырымды қамтитын тай жарысын тамашалады.  Бұл сайыста  шабандоз Ерқанат Нұрқанатұлының «Мұрагер» атты тұлпары (иесі әрі бапкері Абылай Смағұлов) топ бастап келді. Шабандоз  Есмұрат Идаят тізгіндеген «Бекқасқа» (иесі әрі бапкері Жолдас Бахитов) екінші, шабандоз Ернұр Көпбергеннің «Сылқымжирені» (иесі Қайрат Өмірәлиев, бапкері Ернұр Көпберген) үшінші, ал ынтымақтық шабандоз Санжар Серіктің «Жебесі» (иесі Асхат Блялов, бапкері Санжар Серік) төртінші, шабандоз Райымбек Елубайдың «Найзағай» атты тұлпары (иесі әрі бапкері Дархан Қасанов) бесінші болып мәре сызығынан өтті.

Ал, 9 шақырымдық құнан бәйгеде айналаны шаңға бөктіріп, көптен қара үзіп шыққан шабандоз Ернұр Көпберген тізгіндеген «Береке» атты сәйгүлік (иесі әрі бапкері Есенжан Смағұлов) мәре сызығын бірінші болып кесті. Шабандоз Нұрдәулет Қайырбекұлының «Бақторысы» (иесі Қайрат Өмірәлиев, бапкері Азамат Өмірәлиев) екінші, Бекет Жолдас тізгіндеген «Еркеқыз» (иесі әрі бапкері Жолдас Бахитов) үшінші, шабандоз Райымбек Елубайдың «Димашторысы» (иесі әрі бапкері Дінмұханбет Тілекқабылов) төртінші болып жетті.

Жарыс бойы көпшілік қиқуға салып, әр айналым сайын шабандоздарға жігер беріп отырды.

– Былтыр 2024 жылдан бастап  ұлттық спорт жанашырлары бәйгені қолға алып,  тұрақты өткізіп келеді.  Осы уақытқа дейін 5 бәйге өткізілді. Ауыл халқының қолдауы,  қызығушылығы артып келеді. Ұлттық спортқа деген бұқараның, соның ішінде жастардың ынтасын және ерекше айта кеткен жөн. Атқа қонған жастардың саны артуда. Ұлттық құндылықты насихаттау,  кейінгі ұрпаққа мирас қылу әр азаматтың парызы,- дейді ұйымдастырушылар атынан Ринат Сағдатұлы.

Осылайша құнан, тай бәйгеде арындаған жүйріктер, сол жүйріктерді тақымында толқытқан шабандоздар ұлттық өнердің дара жарысын тарту етті. Төзім мен жігер, қайрат пен мінез сынға түсетін бәйгеде тұлпарлардың тұяғы талмай жалғасын таба берсін демекпіз.

Бәйге соңы мерекелік концертпен жалғасын тапты.

Ж.НАРИМАНОВА

Атырау облысы Дене шынықтыру, спорт және туризм басқармасына қарасты қала және аудандардағы 18 спорттық ұйымға жаңа автобустар сатып алынды. Бұл өз кезегінде балалардың қауіпсіздігін қамтамасыз етіп, еркін қатынауына мүмкіндік бермек.