Атырау облысының аумағында профилактикалық егуді өткізіп алған 18 жасқа дейінгі адамдарға қосымша вакцинация жүргізілуде, деп хабарлайды ТЖ жөніндегі жедел штаб.

2024 жылғы 21-27 сәуір аралығында Дүниежүзілік денсаулық сақтау ұйымының бастамасымен "Вакциналар: өткен, қазіргі және болашақ ұрпақ үшін денсаулықты қорғау "ұранымен Еуропалық иммундау апталығы өтуде.

Іс-шараның мақсаты - иммундау мәселелері бойынша халықты ақпараттандыру, иммунопрофилактиканың негізгі проблемаларын анықтау және алдын алу.

"Атырау облысының аумағында вакцинациямен бақыланатын жұқпалы аурулардың таралуының алдын алу мақсатында профилактикалық егуді өткізіп алған 18 жасқа дейінгі адамдарды қосымша вакцинациялау басталды, - деп хабарлады ТЖ жөніндегі жедел штаб.

Атырау облысының ТЖ жөніндегі жедел штабы

Медициналық оңалтудың пациент денсаулығын қалпына келтіруде атқаратын рөлі зор. Жарақат алған немесе созылмалы аурумен ауырып тұрған пациенттің күнделікті өмірге оралып, қалыпты тіршілік етуіне септігін тигізеді.

Бұрын көпшілік жағдайда ақылы түрде көрсетілетін оңалту бүгінде сақтандырылған азаматтар үшін қолжетімді болып отыр. Біздің тілшімізге берген сұхбатында Әлеуметтік медициналық сақтандыру қорының Атырау облысы бойынша филиалының директоры Байтолла Газизов осы мәселе жайлы егжей-тегжейлі ақпар берді.

Медициналық оңалту кімдерге көрсетіледі?

Реабилитациядан:

- негізгі немесе созылмалы ауруды емдеу қажет болғанда;

- қатты ауырсынудан кейін;

- хирургиялық операциялардан кейін;

- жарақат алғаннан кейін;

- сырқат салдарынан адамның қимыл-қозғалысы шектелген жағдайларда өтуге болады.

Медициналық оңалту қай кезде тегін көрсетіледі?

Қалпына келтіру шараларын ақысыз негізде өтуге болады:

Пациент бұрын оңалтудан өтпеген. Неден бастаған жөн?

1. Ең алдымен тұрғылықты жеріндегі емханаға барады.

2. Емдеуші дәрігер реабилитолог маманға немесе мультидисциплинарлық топ мамандарына жібереді.

3. Олар аурудың пайда болуы мен күшеюі, сырқаттың денсаулық жағдайына байланысты мәліметтерді ескере отырып, оңалтуға деген қажеттілікті айқындайды. Бастапқы реабилитациялық диагноз қойып, пациент денсаулығын қалпына келтіру жоспарын, курстың мерзмін т.б. анықтайды.

4. Егер кешенді тексеру нәтижесінде реабилитация тиімді деп табылса, пациент оны амбулаторияда, стационарда, стационарды алмастыратын емдеу мекемесінде, үйде немесе санатория-курорттарда өте алады. Жоспарлы түрде ем қабылдайтын пациент стационарға «Ауруханаға жатқызу бюросы» порталы арқылы жатқызылады.

Оңалтудан бас тартуға мынадай жағдайлар себеп болуы мүмкін:

* көп қан кету;

* дене қызуының көтерілуі және ұзақ уақыт бойы қалыпты жағдайдан асып кетуі;

* өткір жұқпалы аурулар;

* өткір остеомиелит;

* көктамыр тромбозы

* жүрек жеткіліксіздігі;

* эпилепсия талмасы ұстаған кезде;

* қатерлі ісік, туберкулез, қант диабеті, тиреотоксикоз, бауыр қызметі тапшылығы, ІІІ деңгейлі ұйқы безі тапшылығы, адамның көңіл-күйі мен мінезінде ауытқулар тудырған психикалық аурулар, іріңді және жұқпалы тері аурулары, 2-3-дәрежелі анемия, 3-дәрежелі дистрофия сынды аурулар себеп болуы мүмкін. ​

Оңалту пациенттің өз өтініші бойынша тоқтатылуы мүмкін.

Сонымен қатар, ем-шаралардан кейін сырқаттың жағдайы нашарлаған жағдайда немесе негізгі, қосалқы аурулары күшейіп кеткен жағдайда дәрігер ем-шараны тоқтату туралы шешім қабылдайды. Медициналық оңалту үш кезеңнен тұрады:

Біріншісі ауруы асқынып тұрған науқастарға, хирургиялық операция жасатқан, жарақат алған адамдарға арналған. Ол стационарлардың құрылымдық бөлімшелерінде жүргізіледі. Егер ауруханаға жатқызу қажет болмаса, медициналық көмек көрсетілгеннен кейін және негізгі ауру емделіп болғаннан кейін пациент оңалтудың екінші немесе үшінші кезеңіне жіберіледі.

Оңалтудың екінші кезеңі мамандандырылған бөлімшелерде немесе республикалық денсаулық сақтау ұйымдары, мамандандырылған оңалту орталықтары мен көпбейінді стационарлар базасында өтеді. Бұл кезең ауру басталған сәттен бастап тоғыз ай ішінде жүргізу қажет. Курстың ұзақтығы мен жиілігі нозологияға, науқасты денсаулық жағдайына тағы да басқа факторларға байланысты болмақ.

Үшінші кезеңде медициналық оңалту емхана-амбулатория деңгейінде, күндізгі және тәулік бойғы стационарларда, оңалту орталықтарында, санаторийлер мен курорттарда, үйдегі стационар жағдайында, сондай-ақ қашықтықтан жүргізіледі. Курстың жиілігі мен ұзақтығы пациенттің денсаулығына қарай белгіленеді. Оңалтудан алынған нәтиже міндетті түрде ескерілуі тиіс.

Медициналық оңалту қызметі қай жерде көрсетіледі?

Медициналық сақтандыру қоры халық үшін оңалтудың қолжетімділігін арттыру бағытында жан-жақты жұмыс істеп жатыр. Оңалту қызметтерін көрсету үшін 2024 жылы Әлеуметтік медициналық сақтандыру қорының Атырау облыстық филиалы аймақтың 37 медициналық ұйымымен шарт жасасты, оның ішінде 16 жеке медициналық ұйым, 21 - мемлекеттік. Оңалту бойынша медициналық қызмет көрсетушілер саны артып келеді. Салыстыру үшін, 2020 жылы олардың саны 24 болды. Қор жеткізушілерінің тізімімен fms.kz ресми сайты арқылы танысуға болады («Байланыс ақпарат» – «Клиника таңдау»).

Биыл медициналық оңалтуға қанша қаражат бөлінді?

2023 жылы оңалту көмегіне 1,6 млрд. теңге бағытталды. Ағымдағы жылы оңалту қызметтерінің бюджеті әзірге 1,7 млрд. теңгені құрап отыр. Егер сіздің тағы да сұрақтарыңыз болса, өз емханаңыздағы «Пациенттерді қолдау қызметіне» жүгініңіз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз:

fms.kz ресми сайты

Qoldau 24/7 мобильді қосымшасы

Telegramдағы SaqtandyryBot

1414 Бірыңғай байланыс орталығы

Өркениетті қоғамның дамуына, өркенділік көшіне ілесуге кереғар әсерін тигізетін сыбайлас жемқорлық секілді факторлардың алдын алу –қазіргі таңдағы мемлекеттің а л ғ а қ о й ып о тыр ғ а н  басты мақсаттарының бірі. Өйткені ол індет әлі індеп тұр.

Сондықтан да Президент тапсырмасына орай осынау қатерге қарсы күрес мемлекеттік деңгейде жан-жақты жүргізіліп келеді. Қ а з а қ с т а н  Р е с п у б л и к а с ы Қаржы министрлігі Мемлекеттік к і р і с т е р  к о м и т е т і н д е с ы - б а й л а с ж е м қ о р л ы қ п е н күрес мақсатында бірқатар нормативтік құқықтық актілер қабылданды. Солардың ішінде негізгілерінің бірі - жемқорлыққа қарсы стратегиясын іске асыру және көлеңкелі экономикаға қ а р с ы і с - қ и м ы л шараларын жүзеге асыру. Бұл ретте салық органдарындағы жай- күйді бағалай отырып, кіріс органдарының қызметі арасында сыбайлас жемқорлыққа төзімсіз жағдай қалыптастырып, тиімділігі жоғары салық қызметін құру көзделіп отыр. Бүгінде салық қызметінің стандарттары туралы кез келген салық төлеуші облыстың салық органдарының ақпараттарды қ а б ы л д а у ж ә н е  ө ң д е у орталықтарындағы ақпараттық стендтерден, сонымен қатар Қазақстан Республикасы Қаржы м и н и с т р л і г і  М е м л е к е т т і к кірістер комитетінің ресми сайты арқылы таныса алады. Б ұ ғ а н қ о с а м е м л е к е т т і к
кірістер органдарында сенім телефондары мен арыз-шағым жәшіктері орнатылған. Сонымен қатар, бұқаралық ақпарат құралдарымен тығыз байланыста жұмыс жасалуда. Айталық, мемлекеттік кірістер органдарына жұртшылықтың сенімін а р т т ы р у м а ң ы з д ы . О с ы ғ а н орай, жергілікті газеттерге мақалалар мен хабарландырулар жарияланып отырады. М е м л е к е т т і к о р г а н т а р а п ы н а н  ж ү р г і з і л г е н  с ы б а й -л а с ж е м қ о р л ы қ қ а  қа р с ы к ү р е с н ә т и ж е с і н а р т т ы р у , з а ң д ы л ы қ т а р д ы ң  м ү л т і к с і з сақталуы мен заң талаптарын түсіндіру бойынша мұндай іс-шаралар алдағы уақытта да өз жалғасын таппақ.

Э.МҰҚАНҒАЛИЕВА,
аудан бойынша
мемлекеттік кірістер
басқармасының бас маманы

Атырау облысы дәрі-дәрмектің үздіксіз жеткізілуін қамтамасыз етуге, сондай-ақ қолда бар қорды ықтимал су тасқынынан қорғауға сақадай-сай.

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Атырау облысы бойынша департаменті басшысының міндетін атқарушы Үмітхан Мұсабаеваның айтуынша, өңірде медициналық және дәрілік препараттардың қоры жеткілікті.

– Бізде әрқашан екі айлық қор болған және бар. Олар ауруханалар мен емханалардың, диспансерлер мен медициналық орталықтардың өтінімдері бойынша қамтамасыз етіледі. Біздің өңір елді мекендер арасындағы байланысты үзген жоқ, барлық дәрі-дәрмек кез келген ықтимал жолмен – ұшақпен, тікұшақпен, пойызбен, автокөлікпен жеткізілетін болады, - деп атап өтті Ү.Мұсабаева.

Атырау облысының ТЖ жөніндегі жедел штабы

Төтенше жағдай жарияланған Құлсары қаласынан Бейнеу ауданына эвакуацияланған тұрғындарға медициналық көмек көрсету үшін, Маңғыстау облысы денсаулық сақтау басқармасынан дәрігерлік штаб құрылған.

                                                                                                                           Еліміздегі әрбір жиырмасыншы бала мерзімінен бұрын дүниеге келеді. Атырау Облыстық перинаталдық орталығында тәжірибелі дәрігерлер салмағы 500 грамнан асатын сәбилерді сәтті күтім жасауда. Ерте туған нәрестелер әртүрлі аурумен дүниеге келеді. Шала туған сәбилердің ретинопатиясы – көздің кең тараған патологиясы. Дер кезінде нақты диагностикасыз ол баланы толық соқырлыққа әкелуі мүмкін. Ретинопатия көз торы тамырларының жетілмеуіне байланысты. Ұрықта көзі торы тамырларының өсуі 38-40 аптада, яғни бала туатын сәтте аяқталады. Сондықтан сәби неғұрлым ерте туған сайын оның көз торындағы қан тамырлары азайып, оның ретинопатиясы соғұрлым ауыр әрі тез дамиды. Статистика бойынша, бұл патология әлемдегі шала туған сәбилердің 40%-ында кездеседі. Бұл аурудың сыртқы белгілері жоқ. Қазақстанда қабылданған клиникалық хаттама бойынша шала туған балалардың көзінің түбін тексеру туған сәтінен бастап 21–25 күні жүргізіледі. Егер мұндай ерте скрининг жүргізілмесе, оның салдары түзелмеуі мүмкін. Көру қабілетінен толық айырылу қаупі бар. Бірақ Атырау облысы үшін бұл ауруды ерте диагностикалау мен дер кезінде емдеудің барлық қиындығын шешудің жолы табылды. Мәселен, жыл сайын облыстық перинаталдық орталықта шала туған нәрестелердің саны өте көп тіркеледі. Өйткені, Атырау өңіріндегі барлық шала туған баланы осы жерге әкеледі. Осы жылдың ақпан айында Облыстық перинаталдық орталықтың базасында Ретинопатия орталығының ашылуы жақсы жаңалық болды. Жалпы, көру қабілеті бойынша балалардың мүгедектігін азайту жұмыстары перинаталдық орталықтың өзінде бірнеше жылдан бері жүргізіліп келеді. Алдымен AYALA қайырымдылық қоры базалық офтальмоскоп – базалық диагностикалық жабдықты берді. Содан кейін неонаталды дәрігер-офтальмолог арнайы оқуға жіберіліп, жаңа туған балаларға лазермен ота жасайды. 2016 жылдан бастап 59 балаға сәтті ота жасалды. Биылдың өзінде тағы бес бала отадан аман-есен шықты. – Сәбидің денсаулығы – білікті дәрігердің қолында. Соңғы бірнеше жылда Қазақстанда неонаталдық офтальмологтардың саны 4 есеге жуық өсті. AYALA қорының арқасында бинокулярлық офтальмоскоптармен, диодтық лазерлермен және ретиналды кең қабатты камералармен толық жабдықталған орталықтар пайда болды. Бірақ бұл ретте ретинопатияның күрт дамитын түрлеріне шалдыққан балалар да айтарлықтай көбейді. Әрбір дәрігер ретинопатияны емдеумен айналыса алмайды, – деді медицина ғылымдарының кандидаты, «Шала туғандар ретинопатиясы» республикалық жобасының бастамашысы және шабыттандырушысы Әсел Үсенбайқызы Шарипова. Ретинопатияны диагностикалау ауқымды білімді және үлкен тәжірибені талап етеді. Атырау Облыстық перинаталдық орталығының дәрігер-офтальмологы Аида Серікқызы Молдашева – республиканың неонаталдық офтальмологиядағы ең мықты мамандарының бірі. – Жыл сайын ретинопатия бойынша мен 100-ден астам сәбиді диагностикадан өткіземін. Сондай-ақ, мен көру қабілетінің патологиясы бар шала туған балаларды да тексеремін. Бәріне көмектесуге тырысамын. Бірақ дәл осы шала туған нәрестелерде ретинопатия өте тез өтеді. Мысалы, сырқаттың күрт дамыған түрі кезінде көз торының лазеркоагуляциясын жүргізу үшін менде 24 сағаттан 72 сағатқа дейін ғана уақыт бар. Бір күнге кешіксем, балаға мәңгі көру қабілетінен айырылу қаупі туады. Биыл AYALA қорынан алынған «Луцентис» препараты өте жақсы көмектесуде. Әрине, мен қазір жұмыс істеуді үйреніп жатқан ретиналды камера менің тәжірибемде өте жақсы көмекке айналады. Камера ата-аналарға компьютер мониторингінде баланың көз торындағы патологиялық процестерді көрсетуге мүмкіндік береді. Ал ата-аналар мен емдеуші дәрігер арасындағы сенім емдеудің табысты болуы үшін өте маңызды, – дейді Аида Серікқызы Молдашева. Аида Серікқызының айтуынша, ол ретиналды камерамен жұмыс барысында Алматы, Астана қалаларындағы тәжірибелі дәрігерлердің кеңесін алып отырады. Әрине, орталықта лазермен жүргізілген оталардан кейін нәтижелерді, көз торының динамикасын қадағалауға мүмкіндік бар. – Әсел Үсенбайқызы Шариповамен кеңесіп, онымен және басқа да әріптестермен күрделі жағдайларды талқылау мүмкіндігі шала туған нәрестелердің ретинопатиясын емдеу тактикасын таңдау және жетілдіру үшін өте маңызды. Суреттерді тек ретиналды камера ғана түсіре алады. Офтальмоскоп та көз торына визуалды диагностика жасайды, бірақ оны офтальмологтың өзі ғана көре алады. Сондықтан ретиналды камерамен емдеу мен ота жасау нәтижелері одан да сапалы болатынына сенімдімін. Бұл Атырау облысындағы балалардың көру қабілетіндегі кінәратты азайтуға көмектеседі, – деп атап өтті Аида Серікқызы. Облыстық перинаталдық орталықтағы заманауи құралдар арқылы дәрігерлер болашақ аналарға барлық міндетті талдаулар мен скриннингтерден өтуге, өздерінің психологиялық және эмоциялық денсаулықтарын бақылауға кеңес беріп отырады. Өйткені, бұл – жүктілікті мерзіміне жеткізудің ең үздік профилактикасы, яғни дені сау баланың дүниеге келуінің кепілдігі.