Бүгін облыстық ауыл шаруашылығы басқармасының тапсырысымен Индер ауданына саяқ шегірткелерді улау үшін мамандар келді.

Негізі бұл зиянкеске қарсы у шашылғаннан кейін-ақ шегірткелер әлсіздене бастайды. Әйтеуір бұрынғы жылдардағыдай емес, шүкір, түрлі зиянкестер биыл азайған сияқты. Жалпы ауданда осы саяқ шегірткелер бар делініп, өңдеуге жатқызылған Елтай округіндегі бұрынғы дұрыс суландыру жүйесіндегі 200 гектар мен Бөдене округіндегі 100 гектар алқап екен. Ал аталған қондырғымен жұмыс істейтін оператор Әділбек Мұсылманов әріптестерімен бірге тапсырылған тиісті жұмысты уақтылы атқару үшін бір аптаға осы ауданға келіпті.

Сапар барысында өсімдіктер карантині жөніндегі бас маман-инспекторы Қазиолла Мүбәраков егістік алқаптан бірнеше жаңа піскен қауындарды алып, жарып қарап жүрді. Себебі «Қауіпті қайдан дерің бар ма» жаңа піскен өнімдердің өзі алдына түрлі зиянкестерден қорғап, таза болуы маңызды. Бұл әрбір егінші мен қожалық иесінің де бірден-бір маңызды міндеті,-деп бұл бағыттағы талаптарды түсіндірді.

С.БИСЕНОВ