Жақында аудандық сот, аудан әкімдігімен бірлесе отырып татуластыру рәсімдерін халық арасында кеңінен таныту мақсатында билер кеңесі қоғамдық бірлестігін құрып, нәтижесінде «Борат» мәдениет үйінде «Билер кеңесі» кабинетін ашты.

Кабинеттің ашылуы салтанатында аудандық сот төрағасы Д.Тұхфатова өз сөзінде «Билер кеңесі» қоғамдық бірлестігінің Қазақстан Республикасы Жоғарғы сотының «Татуластыру: сотқа дейін, сотта» жобасы аясында жарық көріп отырғанын, аталған жобаның мақсаты дау-дамайларды сотқа жеткізбей шешу екендігін айтып өтсе, қатысушылар аталған жобаны аудан деңгейінде жүзеге асыру, халық арасында өзара дауларды шешу тәсілдерін талқылады.

Айталық, «Билер кеңесі» қоғамдық бірлестігінің төрағасы, кент тұрғыны, ардагер-ұстаз Қабижан Қапиз болып сайланды.

Өз тілшіміз.