Аудан әкімі Д.Шамұратовтың тұрғындармен кездесуінде көтерілген мәселелердің бірі – Индербор кентіндегі «Жеңіс» саябағының қазіргі жәй-күйі болатын.
Күні бүгінде мердігер мекеме тарапынан саябақты жөндеу жұмыстары басталды. Жоспар бойынша саябақтың төсемтастары ішінара ауыстырылып, жарық шамдары орнатылатын болады. Сонымен қатар, саябақ қоршауын әктеу-сырлау мен көгалдандыру жұмыстары және тағы басқа жөндеу жұмыстары жүргізіледі.
Одан бөлек, «Жеңіс» саябағында орналасқан ауданның «Социалистік еңбек ері» ескерткіш тақтасын да жөндеуден өткізу жоспарланып отыр.
«Жеңіс» саябағының жөндеу жұмыстарын ағымдағы жылдың шілде айында аяқтау күтілуде.
Индер ауданы әкімінің баспасөз қызметі
