Әлемге әйгілі КНАУФ компаниясының жыл жетістігін саралап, үздік тауар өндірушілерді марапаттайтын дәстүрлі шарасы бар. Міне тауарды өндіру, өткізу, сапалы қызмет сынды бірнеше бағам бойынша бағалап келгенде біздің «ИСИГипсИндер» ЖШС-нің атқарған ісіне көз тоқтапты.
Яғни 200-ге жуық зауыттың ішінде екінші орын беріліп, компанияның ТМД және Шығыс Еуропа бойынша басшысы Янис Краулистің Алғыс хаты мен естелік сыйлығы кәсіпорынның Бас директоры Жолдасқали Көшқалиұлына беріліпті.
Бұл барша кәсіпорын қызметкерлері үшін үлкен марапат және тың міндет екені сөзсіз. Осы абырой биігінен түспес үшін алда санқилы жұмыстар күтіп тұр. Оны олар жақсы түсінеді де.
Ж.АМАНТУРЛИН.
