Мемлекет басшысының 2025 жылғы Жолдауында су ресурстарын тиімді пайдалану мәселесінің көтерілуі – уақыт талабынан туындаған маңызды бастама. Су – тіршілік көзі ғана емес, елдің экологиялық қауіпсіздігі мен ауыл шаруашылығының тұрақты дамуына тікелей әсер ететін стратегиялық ресурс.
Қазіргі таңда климаттың өзгеруі мен су тапшылығы суға деген жауапкершілікті арттыруды талап етеді. Осы орайда суды үнемдеу технологияларын енгізу, суару жүйелерін жаңғырту және инфрақұрылымды жақсарту – өзекті міндет. Бұл шаралар ауыл шаруашылығы өнімділігін арттырып, су шығынын азайтуға мүмкіндік береді.
Сонымен қатар халық арасында су мәдениетін қалыптастырудың маңызы зор. Әрбір азамат суды үнемдеп пайдаланып, табиғи ресурстарға ұқыпты қарауды өзінен бастауы тиіс. Мемлекет пен қоғамның бірлескен әрекеті ғана бұл мәселенің тиімді шешілуіне жол ашады.
Қорытындылай келе, Жолдауда айқындалған су ресурстарын тиімді пайдалану бағыты еліміздің экологиялық тұрақтылығын сақтауға және болашақ ұрпаққа таза, жеткілікті су қорын қалдыруға негіз болады деп сенемін.
А.Қарабалин
ауыл тұрғыны
