Атыраудағы Н. Балғымбаев атындағы коммуникацияларды дамыту орталығында «PR ЖӘНЕ КОММУНИКАЦИЯ: БИЗНЕС ПЕН ҚОҒАМ КӨПІРІ» тақырыбында форум өтті.
Форумның ашылу рәсімінде Атырау облысы әкімінің орынбасары Жасұлан Бисембиев сөйлеп, оның жұмысына сәттілік тіледі. Одан кейінгі сөз кезегі форумды ұйымдастырушы «Respublica» партиясының төрағасы Айдарбек Қожанаровқа берілді.
Қазіргі қоғам мен бизнес арасындағы коммуникацияны дамыту, заманауи PR стратегиялардың рөлін күшейту және жаңа коммуникациялық трендтерді талқылау — басқосудағы әңгімеге арқау болған осы тақырып төңірегінде спикерлер өзіндік ой-пікірлерімен бөлісті.
Талқылауға «Respublica» партиясынан сайланған Қазақстан Республикасы Парламенті Сенатының депутаты Екатерина Смолякова, Re.Women республикалық әйелдер қауымдастығы төрағасының орынбасары Айдана Тоғызбаева, осы ұйымның өңірлік өкілдігінің жетекшісі, тележурналист, медиа-тренер Гүлназ Кәрімжан, саяхатшы-фотограф, «Golden Steppe Explorers» қорының төрағасы Ержан Нұрпейісов қатысты.
Олардың әрқайсысы өз салалары бойынша жүзеге асырып жүрген жобалары мен атқарған жұмыстарымен бөлісті. Осы тұрғыда әріптестерін белсенділік танытып, ортақ іске өз үлестерін қосуға шақырды.
Соңынан белсенділік танытқандар мен қатысушыларға Алғыс хаттар мен сертификаттар тапсырылды.
Дәулетқали АРУЕВ
Суреттерді түсірген Әнуар ӘБІЛҒАЗИЕВ
