2025 жылдың 13 наурызынан бастап Әкімшілік құқық бұзушылық туралы кодекске бірқатар өзгерістер мен толықтырулар енгізілді.
Негізгі өзгерістер:
• Көлік жүргізу кезінде кабинадан шығу – жүргізуші мен жолаушыға қатысты да 10 АЕК айыппұл көзделген.
• Есірткі мен психотроптық заттарды медициналық емес тұтыну – 40 АЕК айыппұл не 10 тәулікке дейін қамауға алу, қайталағаны үшін-80 АЕК айыппұл салу не 20 тәулікке дейін қамауға алу.
• Құқық қорғау органдарының қызметіне кедергі келтіру яғни заңды өкілі немесе қорғаушысы болып табылмайтын адамдардың іске араласуы, оның ішінде масс-медиа немесе телекоммуникация желілерін пайдалана отырып кедергі келтіру – 30 АЕК айыппұл не 15 тәулікке дейін қамауға алу.
Қатайтылған жазалар:
• Жалған арнайы қызмет шақыру – 30-дан 60 АЕК-ке дейін (қайталанса – 120 АЕК).
• Жарқылдауық маягі мен арнайы дыбыс сигналы іске қосылған жедел және арнайы қызмет көліктеріне жол бермеу – 7-ден 20 АЕК-ке дейін (қайталанса – 40 АЕК).
🔹Осы ретте, Атырау облысы полиция департаменті азаматтарды заң талаптарын сақтауға шақырады.
