ЕРКІН ФОРМАТТА КЕЗДЕСУ ӨТТІ

Абай орталығында ҚР Мемлекеттік қызмет істері агенттігінің Атырау облысы бойынша департаментінің басшысы, Әдеп жөніндегі кеңес төрағасы Нұрлан Еркебаев өңірдегі жастармен кездесті. Жиынға мемлекеттік қызметке қызығушылық танытқан елуден астам азамат қатысты. Кездесу барысында мемлекеттік қызметтің қоғамдағы рөлі, мемлекеттік қызметке орналасу мәселелері,заңнамадағы өзгерістер және алдағы жаңашылдықтармен бөлісті. Жастар тарапынан қызықты сауалдар мен бірге өзекті ұсыныстар ортаға салынған жиында Департамент басшысы жастармен әрқашан белсене жұмыс істеуге дайын екендігін жеткізіп, ашық форматтағы басқосулар алдағы уақытта жиі өтетінін айтты.