Жолдау–2025-те көтерілген цифрландыру бағыты ерекше маңызды болып көрінді. Себебі қазіргі білім беру жүйесіне жаңа технологияларды енгізу – уақыт талабы ғана емес, оқыту сапасын арттырудың тиімді жолы.
Бүгінде мектептерде электронды журнал, цифрлық білім беру ресурстары, онлайн-платформалар кең қолданылып келеді. Бұл мұғалімнің жұмысын жеңілдетіп, оқушының білім алуға деген мүмкіндігін арттырады. Әсіресе ауыл мектептерін заманауи техникамен қамтамасыз ету – сапалы білімге қолжетімділікті күшейтетін маңызды қадам.
Цифрландыру тек құрылғыларды жаңартумен шектелмей, мұғалімнің цифрлық сауаттылығын арттыруды талап етеді. Осы тұрғыда Жолдауда ұсынылған мұғалімдердің біліктілігін жетілдіру курстары – өте орынды бастама.
Менің ойымша, цифрландыру – білім беру жүйесін жаңа деңгейге көтеретін күш. Бұл өзгерістер оқушының да, мұғалімнің де мүмкіндігін кеңейтіп, оқу үдерісін тиімді әрі қолжетімді етеді.
Сондықтан Жолдау–2025-те айтылған цифрлық реформалар – білім саласының болашағын айқындайтын маңызды бағыт.
