Бүгінгі мереке қарсаңында жұмыспен қамту, әлеуметтік бағдарламалар және азаматтық хал актілері жанынан жартылай күндізгі стационарлық үлгідегі ұйымда балаларға арналған«Мен анамның гүлімін» атты кеш өтті.

Онда мүмкіндігі шектеулі бүлдіршіндер ата-аналар мен қонақтардың алдында тәрбиешілерімен бірге өз өнерлерін көрсетіп, жүздері жадырап, қолдарынан бәрі келетіндігін көрсетіп бақты.

Шара соңында ата-ана Жайлан Уәжипова балаларды мерекесімен құттықтап, оларға осындай қуанышты шақ сыйлап, елеусіз қалдырмаған басшылар мен мекеме қызметкерлеріне аналық ақ алғысын жаудырды.Сондай-ақ, басшылар Ажар Серікқалиева мен Айнагүл Жөкен сөз алып, балақайлардың тезірек жазылып кетуіне, балалық шақтарын бақытты өткізуіне тілеулестігін білдіріп, жеке кәсіпкер Жанат Шолпанованың демеушілігімен жолданған татілерді ұсынды.

Сонымен қатар ата-ана Алтынай Өтешова мен мекеме қызметкерлері арнайы әзірлеп әкелген сый-сияпаттарын үйлестіріп, балаларға қуаныш сыйлады.

Өз тілшіміз.