Еліміз Тәуелсіздігін алысымен тар жол, тайғақ кешуден өткен ауыл шаруашылығы, кейін қайтадан жандана бастады.

Солардың бірі – Елтай округінің қырындағы «Сорқабақ» учаскесінде төрт түлігін сай еткен Ербол Бақтиярдың шаруа қожалығы. Ал Ербол Дәулетиярұлы Егемен еліміздің бейбіт күнінде атакәсібін жалғастырып, мамыражай тірлік кешуде. Елтайдағы М.Сиранов атындағы орта мектепті аяқтаған соң, әкесінің таяғын ұстап малға шыққан.

Округ орталығы Елтайдан 38 шақырым қашықтықта орналасқанымен байланыс көп қиындық келтірмеуде. Ұялы телефонның аясында болмағанымен үйге қондырған ауа арқылы алынатын кәдуілгі телефоны тұрақты байланыста. 2-2,5 метрді жерден ғана шығатын құдықтағы тұщы су да шүкір тірлікке жарап тұр. -Далада ит-құс некен-саяқ болса да кездеседі, мал арасынан өз үлесін де алып отырады. Бірақ төрт аяқтыдан гөрі екі аяқты ұрылардың қылаң беріп қалатыны алаңдатады, - дейді малшы жігіт.

С.САНСЫЗБАЙҰЛЫ.

Елтай ауылдық округі.