Өткен аптада дәстүрлі құндылықтарды насихаттау, қоғамдық келісімді нығайту, ұлттық салт–дәстүрімізді дәріптеу мақсатында «Діни келісім – тұрақтылық кепілі» атты жастар арасында театрландырылған қойылым сайысы өтті.

Бұл Атырау облысы Дін істер басқармасы «Ақпараттық – талдау орталығының» тапсырысы бойынша өткізіліп отыр. Сайысқа қатысқан сегіз команда, дәстүрлі емес дінде болып, оның қиындықтарынан жапа шеккен және дәстүрлі дінімізге қайтып, өз өкініштерін бейнелеу арқылы рухани құндылықтарымызды көрсетті. Оларға ақпараттық талдау орталығының аудандағы өкілі Қымбат Кәрім, теолог-маман Ерлан Сағынов, «Көктем» қазақ орта мектебі директорының тәрбие ісі жөніндегі орынбасары Ақтолқын Есқалиева, жастар ресурстық орталығы директорының міндетін атқарушы Жадыра Нариманова қазылық жасады.

Сонымен бірінші орын Ш.Уәлиханов атындағы орта мектебінің еншісіне бұйырды. Ал С.Сейфуллин мен «Көктем» қазақ орта мектебі кейінгі орындарды тең бөлісті. Оларға ұйымдастырушылар құрамының алғыс хаты мен естелік сыйлықтары табыс етілді. Ал қатысқан командаларда осындай алғыс хатпен марапатталды.

Материалдың толық нұсқасын "Дендер" газетінің 4.10.18 ж. №40 (8191) санынан оқи аласыздар.